Adólf hefur þjálfað liðið undanfarin tvö ár og en liðið hefur undir hans stjórn endað í 3.sæti í riðlakeppni 3.deildar bæði árin ásamt því að vinna C-deild Lengjubikarsins síðasta vor.

“Það var mjög ánægjulegt að Adólf skyldi samþykkja að starfa áfram fyrir félagið. Árangur liðsins hefur verið góður síðustu tvö ár og liðið stöðugt að bæta sig. Við höfum verið hársbreidd frá úrslitakeppninni undanfarin tvö ár og vissulega eru það vonbrigði en ég er fullviss um að Adólf er rétti maðurinn til að leiða liðið lengra,” sagði Einar Karl Þórhallsson, formaður Árborgar, við undirritun samningsins.

Skrifað var undir samninginn á bóka- og skjalasafni félagsins en þessa dagana er unnið að ritun bókar um sögu Árborgar í tilefni af 10 ára afmæli félagsins á næsta ári.