Aðdáendur félagsins muna vel eftir því þegar glókollurinn gekk til liðs við Árborgar. Hann stimplaði sig strax inn með marki í sínum fyrsta leik gegn ÍH í Hafnarfirði og varð þá yngsti leikmaður félagsins til að skora mark. 18 ára og 34 daga gamall.

Í þessum 123 leikjum hefur Gummi skorað 36 mörk og er þriðji markahæsti leikmaður Árborgar í öllum keppnum. Í 85 deildarleikjum hefur Gummi skorað 22 mörk og 8 í deildarbikar. Hann hefur spilað flesta deildarbikarleiki Árborgara, 29 og aðeins misst af einum. Gummi hefur skorað 6 mörk í níu bikarleikjum og er lang markahæstur þar. Hann er líka eini leikmaðurinn sem hefur skorað þrennu í bikarleik. Gummi á líka þriðja fljótasta mark Árborgar þegar hann skoraði eftir 59 sekúndur gegn Afríku árið 2004.

Gummi er margverðlaunaður leikmaður, var bjartasta vonin 2001 og 2002 og markahæstur í fyrra auk þess að vera leikmaður ársins.