Markvörður: Steinar

Hægri bakv.: Plóli

Miðverðir: Óli Tryggvi, Jakob

Vinstri bakv.: Árni Sigfús

Varnartengiliður: Guðjón,

Miðjumenn: Jón Auðunn (F), Dolli

Hægri kantur: Arnar Freyr

Vinstri kantur: Guðm. Sig

Framherji: Guðm. Garðar

Simmi (markv), Einar Ingi, Marínó, Gunnar Óli, Tommi, 

Án þess að fara nákvæmlega út í leikáætlun þjálfarans þá var hugmyndin að falla aðeins aftar á völlinn og reyna að halda boltanum betur innan liðsins en í fyrri leikjum liðsins.  Fljótlega kom í ljós að Víðismenn höfðu ákveðið að byrja einnig að falla til baka og við það færði Árborgarliðið sig framar á völlinn og náðu mörgun glimrandi fínum sóknum og lentu á sama tíma í litlum vandræðum varnarlega. Guðmundur Garðar fékk nokkur fín færi í hálfleiknum; það fyrsta var skalli í stöng úr ákjósanlega færi eftir glæsilega hælsendingu á lofti frá Jóni Auðunni, einnig komst hann einn inn fyrir en lét verja hjá sér úr góðri stöðu – en úr því þriðja náði hann að svo skora eftir frábæra sendingu frá Guðjóni Bjarna. Staðan í hálfleik 1-0 og Árborg mun betri aðilinn í hálfleiknum.

Víðismenn komu grimmir inn í seinni hálfleik og pressuðu stíft fyrstu 15 mínúturnar og voru nokkrum sinnum nálægt því að brjóta vörn Árborgar á bak aftur en án árangurs. Árborgar stóðu af sér pressuna og náðu smám saman tökum á leiknum og voru mun hættulegri aðilinn þegar líða tók á hálfleikinn. Guðmundur Garðar fékk einnig fín færi í seinni hálfleik en hann komst tvisvar einn á móti markverði – fyrst eftir frábæra stungusendingu frá Plóla en Gummi Garðar vippaði yfir markvörðinn og boltinn endaði í stönginni og í því seinna þá komst hann framhjá markverði en náði ekki að beina skotinu að markinu enda færið orðið þröngt og truflaður af markverðinum (reyndar var smá vítaspyrnufnykur af þessari truflun markvarðarins). Árborg gulltryggði svo sigurinn þegar Gunnar Óli skoraði skallamark eftir hornspyrnu. Boltinn barst á fjærstöng þar sem Jón Auðunn náði fyrstur til boltans mikilli mannþröng og skóflaði honum inn í markteig þar sem Gunnar náði með harðfylgi að nikka boltanum yfir markvörðinn og inn í markið. 

Í seinni hálfleik komu allir varamennirnir við sögu. Á 60.mínútu leysti Tommi Gumma Sig af hólmi og Marínó kom inn á fyrir Árna Sigfús. Marínó fór í stöðu varnartengiliðs og Gaui fór í vinstri bakvörð. Eftir ca 70 mín komu Gunnar Óli og Einar Ingi inn á fyrir Arnar Frey og Guðmund Garðar. Einar Ingi kom á kantinn og Gunnar Óli á miðjuna. Jón Auðunn kláraði leikinn sem fremsti maður og Simmi skipti svo við Steinar og varði markið síðustu 15 mínúturnar.

Leikur liðsins var framför frá síðasta leik gegn Stólunum. Liðið hélt boltanum mun betur á milli sín og varnarleikur liðsins var miklu þéttari. Bilið á milli fremsta manns og varnarlínunnar var minna en oft áður og lítið svæði fyrir andstæðinginn til þess að vinna með. Jakob og Óli Tryggvi voru gríðarsterkir og bakverðirnir Plóli og Árni Sigfus gerðu engin mistök frekar en Steinar í þau fáu skipti sem reyndi á hann. Guðjón Bjarni lék glimrandi vel í nýrri stöðu og Jón Auðunn og Dolli lokuðu vel á miðjuspil Víðismanna - á meðan Arnar Freyr og Gummi voru líflegir á köntunum. Gummi Garðar var öflugur og hefði getað auðveldlega geta skorað fleiri mörk. Varamennirnir áttu svo allir fína innkomu þegar Víðismenn voru að reyna að komast inn í leikinn. Liðið átti semsagt fínan dag eins og sést á þessari fáránlegu lofræðu Hesta-Jóa  – en það eru þó fullt af atriðum sem má bæta í næstu leikjum. Næsta verkefni liðsins er ekki af verri endanum  – því skemmtinefndin hefur unnið þrotlaust á síðustu dögum að undirbúning fyrir móðir allra þjappa sem haldinn verður laugardaginn næstkomandi.

Nokkrir áhugaverðir punktar fyrir tölfræðinörda: