Markvörður: Steinar

Hægri bakv.: Örvar Rafn

Miðverðir: Óli Tryggvi, Jakob

Vinstri bakv.: Gaui

Varnartengiliður: Halli Jóh,

Miðjumenn: Jón Auðunn (F), Dolli

Hægri kantur: Arnar Freyr

Vinstri kantur: Guðm. Garðar

Framherji: Guðm. Eggerts

Árborg byrjaði leikinn ágætlega og setti nokkrum sinnum fína pressu á sprækt lið Tindastóls í fyrri hluta hálfleiksins. Bæði lið sköpuðu sér ágætis færi á þessum fyrstu mínútum en án árangurs. Um miðjan hálfleikinn gerðist svo umdeilt atvik þegar Guðmundur Eggerts var hakkaður niður af varnarmanni Stólanna þegar hann var um það bil að komast í dauðafæri einn á móti markmanni. Dómarinn óskaði eftir hjálp línuvarðar um hvort að um væri að ræða vítaspyrnu eða aukaspyrnu. Aðstoðardómarinn, sem kom reyndar við sögu seinna í leiknum og þá sem leikmaður Tindastóls, færði brotið út fyrir teig og aukaspyrna því niðurstaðan. Dómarinn sá ekki ástæðu til þess að spjalda leikmanninn og læddist fljótlega sá grunur að mönnum að spjöldin hefðu verið skilin eftir heima. Halli tók aukaspyrnuna og smellti honum yfir vegginn og í markslánna. Stólarnir náðu svo boltanum og skoruðu úr næstu sókn eftir langan bolta inn fyrir vörnina þar sem Jakob og framherji Stólanna háðu mikið kapphlaup. Stólarnir bættu svo við öðru marki rétt fyrir hálfleik og Árborgarar þoldu ekki mótlætið og náðu sér aldrei á strik eftir þetta. Tæklingar, peysutog, stympingar og almenn vitleysa voru allsráðandi hjá leikmönnum beggja liða og með ólíkindum að ekki eitt einasta spjald fór á loft í leiknum.

Í seinni hálfleik komu 9 varamenn við sögu; Stefán Örn, Árni Sigfús, Plóli, Marínó, Gummi Geir, Guðbergur, Tommi, Einar Ingi og Hafþór. En það gekk afskaplega lítið upp hjá Árborg í seinni hálfleik og Tindastóll bætti svo við marki áður en leiknum lauk og lokatölur 3-0 fyrir Tindastól -  sem má segja að hafi verið sanngjörn úrslit miðað við það hvernig leikurinn þróaðist. Leikurinn hefði vissulega þróast á annan veg með betri (einhverri) dómgæslu, en liðið náði sér engan veginn á strik á mjög stórum köflum í leiknum og því fór sem fór. 

Nokkrir áhugaverðir punktar fyrir tölfræðinörda:

kv,

Hesta Jói